Acivro Xoias
Acivro Xoias nace da man de Chus Iglesias Prado, no corazón de Compostela, como un proxecto ilusionante de ourivaría contemporánea que xunta tradición e modernidade, cun eixo vertebrador que é o compromiso coa nosa cultura, a lingua e o territorio.
Elexín ser artesá por paixón e convicción, nese universo creativo de traballo lento, onde as ideas se materializan en xoias únicas, onde o tempo transcorre a ritmo de lume e segueta, de martelo e bigornia, nese retorno ás formas de traballo do pasado para crear as xoias do presente e do futuro.
Queremos poñer en valor un oficio tradicional cunha raizame moi forte na historia de Compostela.
«Os que tentamos facer o mundo coas nosas mans»
Miguelanxo Prado.
IDENTIDADE
XOIAS CON ALMA
Os nosos valores fundamentais son manter viva a tradición da ourivaría compostelá e potenciar e difundir a cultura galega.
ACTUALIZAR A OURIVARÍA REINVENTANDO A TRADICIÓN
TODAS AS PEZAS AGOCHAN UNHA HISTORIA
XOIAS CON VOCACIÓN DE ETERNIDADE
A tradición tamén é modernidade.
VOLTA Á ORIXE CON FORMAS DE USO RESPONSABLES
As nosas pezas acompañan na vida á persoa que as porta
